Kathirkural: August 2021

Saturday, 28 August 2021

வெட்ட வெளியில் சிவன்சிலை காய்ந்திட

நட்டதற்கு ஆகமம் ஏது

kerala, tamilnadu, language

https://kathir-kural.blogspot.com/

சாலையறும் வீடமிழும் செய்யழுகும் கார்பெருகின்
சோலையெலாம் வேர்நழுவிப் போம்

ஆக்கும் திறனில்லை ஆயினும் வந்ததைத்
தேக்கும் திறனுண்டேல் நன்று

மறுமை தொழுதுபொல்லா இம்மை பொறுத்தல்
வறுமை உழலும் வழி

உலகு பெருங்கூண்டு நாம்கிளிக் கூட்டம்
வளர்ப்பது யார்விளை யாட்டு

இருப்பார்நூல் வாங்கிடுவர் இல்லாரென் செய்வர்
விருப்புநூல் கற்பதற் கு

ஆவிபறி போகுமையோ ஆலையைத்தான் மூடென்றோம்
ஆவி பறித்த தரசு

அழிமழை ஓசைகேட்டு அஞ்சுதே நெஞ்சம்
பொழிமழையே போதும் நிறுத்து

இவரை இதனால் மணமுடிப்போம் என்றாய்ந்(து)
அவரையே காதல் செயல்

நாடாள்வோர் செய்பிழையால் நோய்க்கஞ்சி வாழ்விழந்து
காடாக மாறுதிந்த நாடு

நொடியில் உருட்டி விழுங்கு(து) இயற்கை
துடித்துச் சுருங்குது வாழ்வு

நால்வர்க்கு ஊண்தருவோம் நாமுண்போம் நீத்தார்தம்
வாழ்வெண்ணி வாழ்வோம் சிறந்து

கோவணம் கட்டான்தான் வேட்டி தலைப்பாகை
ஆவணுமா என்பான் எரிந்து

பழமென்று போற்றிப் புகழ்வார் முரண்டால்
கிழமென்று தள்ளி விடும்

மொழியகழ்ந்து சொன்னார் தமிழ்த்தொன்மை மூத்தோர்
குழியகழத் தோன்றுதின்று சான்று

நானில்லை நீயில்லை நாமென்று கூடினார்க்கு
தேன்சேர் கனியாகும் வாழ்வு

தாண்டா(து) உயர்ந்தனன் நண்பன் வலியுணர்ந்து
பொன்னாய்ப் பொலிந்தது நட்பு

பெண்புகாத கோயிலும் பெண்செயாத பூசையும்
பெண்தொழாத தெய்வமும் பாழ்

பெண்ணைத் தெருட்டிப் புணர்வோன்தான் யாரெனினும்
மண்ணில் உயிர்வாழல் தீது

சாதி மறப்பர் பெரியார் சிறியார்தம்
சாதிக்குள் காதலிப்பர் பார்

பணமுதலை காக்கும் திறன்கற்றார் அன்று
வனமுதலை விட்ட பொழுது